Schnitzelbangg zem 50. Geburtsdadg vo dr Claudia
am 24. April 2001 um viertel vor Nüni

 

 


Mit diesem Vers möchte ich mich vorstellen

Max Max Max Max Max Max Max
Max Max Max Max Max Max Max

Nai kai Angscht, sys nit so schlimm,
Sysch wäder d'Grippe, no isch d'Stimm

Ich bi nyt dr Hund und au nyt d'Chatz
Ich bi dr'Fründ vo mym liebe Schatz


Alte Erinnerungen

Vor 22 Johr in dr Liebrüti,
Hani dr Claudia s'erschtmol druggt an ihrer Lüti.

Chinder-Gschrei, e Brille und e Rogg,
d'asch my Erinnerig an d' Claudia us em 10. Stogg.

In dr Zwüschezyt han ich sie ganz vergässe,
Bis s'Fränzi uns verkupplet het, bym ässe.


Hobbies von Claudia

In d'Zukunft luege, heisst Aschtrologie.
Fescht verdünne, nennt me Homeopathie.

Bachbliete isch a sonigi Panscherei,
Millionefach verdünnt und das ohni Gschrei

Syt ich weiss, dass die derzu dr Cognac nämme,
Duen ich jede Obe d'Hemmige mit emmene Glas abeschwämme.


Zahlen, das Hobby von Claudia

Im Siebzäh (17) vom Emmeholz det duet sy huuse,
Spötestens am zähni (10) zobe duet sy pfuuse.

D'Sévérine isch scho fünfezwanzig (25),
Em Lucien sy Maage isch syt sächs (6) Daag ganz ranzig.

Ihr wärdets nyt ahne: ains, siebe und drissig,
Syn Zahle vo mynere Bachbliete Mischig.


Antwort auf die Frage: ist Claudia eine Vegetarierin?

Vegetarier dien ufs Flaisch verzichte
und ihr Läbe ganz uf d'Pflänzli usrichte.

Aerbsli, Böhnli, Thymian,
Fenchel, Köhl und Marzipan.

Ich muess Euch verrote, syt Claudia my kennt,
isch sie kai Flaischverächter, wenn sie mit mir pennt.


Etwas ganz persönliches

Zwai mol fünfezwanzig dym mir nun fyre,
Und nyt im Draum dängge mir an d'Styre.

So blyb I denn vergniegt do hogge,
Es isch mer wohl in myne Sogge.

Ich muess dir's sage und das isch typisch Max:
Claudia, ich ha die lieb, du bisch my Schatz!

 

Mail an Max Lehmann und Claudia Weber
Emmenholzweg 17, CH-4528 Zuchwil / Switzerland
© Design by C/S Design, eine Partnerfirma von C/S Consult Jump to (1 kB)

Home